កម្មករជនជាតិខ្មែរត្រូវចាប់ខ្លួនពីបទសម្លាប់ថៅកែស្រីព្រោះកំហឹងដែលបណ្ដេញខ្លួន​ពីការងារ

កាលពីថ្ងៃ ២៤ កន្លងទៅនេះ ស្នងការរង និងក្រុមប៉ូលីសនៅតំបន់ ១ ក្នុងប្រទេសថៃ បានធ្វើការឃាត់ខ្លួនបុរសជនជាតិខ្មែរម្នាក់ហៅ ធី ជាប់ចោទពីបទធ្វើឃាតកម្មយ៉ាងសាហាវទៅលើស្រ្តីមានឈ្មោះ Thanaporn អាយុ ៤៧ឆ្នាំ នៅភូមិខ្លងនឹង ហៅប្រាក់ប៊ីនចិត ស្រុកខ្លងលួង ខេត្តប៉ាធុមថានី បណ្តាលឱ្យស្រ្តីរងគ្រោះជាថៅកែស្លាប់នៅក្នុងផ្ទះ ។ បើតាមប្រភពបានឲ្យដឹងថា នាងជាអ្នកបោះដុំបន្លែនៅក្នុងផ្សារ Major market ឯបុរសជាប់ចោទមានអាយុ៣២ឆ្នាំ ជាជនជាតិខ្មែរ និងជាកូនឈ្នួលរបស់ស្រ្តីរងគ្រោះ។

លុយចំនួន 6385បាត និងអាវុធវែងខ្លីចំនួន 6 ដើមត្រូវបានសមត្ថកិច្ចរឹបអួសយកពីជនល្មើស បន្ទាប់ពីជនល្មើសបានសារភាពប្រាប់ប៉ូលីសថាខ្លួនពិតជាបានសម្លាប់ជនរងគ្រោះមែន ដោយសារតែគំនុំដែលស្រ្តីម្នាក់នោះបណ្ដេញខ្លួនចេញពីការងារ និងការចង់បានទ្រព្យសម្បត្តិទៅលើជនរងគ្រោះ ជនជាប់ចោទបានសម្រេចចិត្តលួចចូលផ្ទះរបស់ជនរងគ្រោះក្នុងបំនងរកលុយ និងវត្ថុមានតម្លៃ តែទំនងជាជនរងគ្រោះមកទាន់ ទើបគេប្រើកាំបិតចាក់ទៅលើជនរងគ្រោះរួចធ្វើការរត់គេចខ្លួន ។

ប៉ូលីសបាននាំជនសង្ស័យទៅកាន់កន្លែងកើតហេតុនៅក្នុងផ្ទះក្នុងភូមិមួយក្នុងខេត្ត Pathum Thani ។ ជាចុងក្រោយជនរងគ្រោះត្រូវបានសារភាព ហើយរងការស្រែកជេរបណ្ដាសាអ្នកភូមិដែលមកមើលហេតុការណ៍ជាច្រើន។ បុរសម្នាក់នេះបានលុតជង្គង់សុំអភ័យទោសនៅមុខផ្ទះជនរងគ្រោះ មុនពេលដែលត្រូវកាត់ទោសឲ្យចាប់ពន្ធនាគារអស់មួយជីវិត ៕